Dangosodd ein gwerthusiad diweddar fod ein gwaith wedi dod â manteision sylweddol ac wedi cael effaith gadarnhaol ar y bobl ifanc a gymerodd ran, gan gynnwys:
- Dywedodd 88% fod eu sgiliau astudio wedi gwella
- Dywedodd 80% fod eu sgiliau cyfathrebu wedi gwella
- Enillodd 92% ddealltwriaeth ehangach o’r llwybrau i’r brifysgol
- Teimlai 91% fod y prosiect wedi eu galluogi i ddilyn gyrfaoedd STEM
Mae ein rhaglen hefyd yn cyd-fynd yn gryf â Deddf Llesiant Cenedlaethau’r Dyfodol (Cymru) 2015 ac yn cyfrannu at fanteision hirdymor i gymunedau: sgiliau gwell, mwy o hyder, rhwydweithiau ehangach o fodelau rôl a llai o gylchoedd o allgáu.
Mae tystiolaeth yn dangos bod rhwystrau strwythurol parhaus yng Nghymru, gyda phroffesiynau STEM yn parhau i fod yn anghyfartal iawn yn erbyn ymgeiswyr o gefndiroedd dosbarth gweithiol a difreintiedig (Y Comisiwn Symudedd Cymdeithasol 2016 / Ymddiriedolaeth Sutton 2025). Prin yw’r cyfleoedd profiad gwaith, er gwaethaf y galw a’r brwdfrydedd mawr: dangosodd ein gwerthusiad yn 2024 fod angen cymorth ar bron i dri chwarter y bobl ifanc i ddod o hyd i gyfleoedd profiad gwaith ym maes STEM.
Gweler rhagor am ein digwyddiadau gyrfaoedd a’n cyfleoedd Profiad Gwaith Rhithwir yma: