Gallwch helpu pobl ifanc i adeiladu ar eu dyheadau.

Os ydych chi’n gweithio ym maes gwyddoniaeth, technoleg, peirianneg neu fathemateg, gallech gefnogi person ifanc ar ei daith tuag at yrfa yn y gwyddorau bywyd neu STEM

Cofrestru fel mentor

Beth yw eFentora Mullany?

Mae’r prosiect hwn yn cefnogi pobl ifanc i ddatblygu eu dyheadau ac ennill yr wybodaeth a’r sgiliau a fydd yn eu helpu i symud ymlaen tuag at yrfa o’u dewis.

Rydym yn canolbwyntio ar yrfaoedd yn y gwyddorau bywyd a STEM, ond rydym hefyd yn helpu pobl ifanc i feithrin sgiliau ehangach, megis hyder a chyfathrebu, a fydd yn eu helpu i gychwyn ar eu llwybr gyrfa.

Rydym yn paru pobl ifanc â mentoriaid sy’n gweithio yn y maes sydd o ddiddordeb iddynt, ac mae’r holl gyfathrebu’n digwydd ar-lein drwy ein ap.

Ein cenhadaeth yw cefnogi pobl ifanc sy’n wynebu rhwystrau neu anfanteision wrth geisio dilyn gyrfa mewn STEM, gan gynnwys diffyg mynediad at rwydweithiau.

Pwy all ddod yn eFentor Mullany?

Daw ein mentoriaid o amrywiaeth eang iawn o gefndiroedd proffesiynol, o beirianneg a chadwraeth i nifer o wahanol ganghennau meddygaeth.

Nid oes rhaid i chi fod wedi’ch lleoli yng Nghymru ar hyn o bryd, er bod gan lawer o’n mentoriaid gysylltiad â Chymru.

Mae croeso i bob gweithiwr proffesiynol ym maes STEM, ond rydym yn arbennig o awyddus i glywed gennych os ydych yn dod o gefndir anhraddodiadol neu wedi dilyn llwybr amgen i’ch swydd bresennol.

Ar hyn o bryd, rydym yn arbennig o awyddus i recriwtio deietegwyr a gweithwyr proffesiynol ym maes technoleg ariannol er mwyn llenwi bylchau yn yr hyn rydym yn ei ddarparu.

Par perffaith!

Bydd unrhyw berson ifanc sy’n cofrestru yn cael ei baru â mentor sy’n astudio neu’n gweithio yn y maes y mae’r person ifanc yn ei ystyried ar gyfer ei yrfa yn y dyfodol, neu â mentor a all roi cymorth iddo ddewis ei lwybr gyrfa yn y dyfodol.

Eich paru gennym ni

Dros cyfnod o 8-10 wythnos, gall y myfyrwyr ofyn cwestiynau am unrhyw beth sy'n gysylltiedig â rheoli eu hastudiaethau neu eu syniadau gyrfa ar gyfer y dyfodol.

Beth fydd yn cael ei ofyn?

Cefnogir y mentor i roi cyngor ar bynciau fel: -

Astudio ac arholiadau

Opsiynau pwnc

Opsiynau gyrfa

Llwybr gyrfa

Beth yw prifysgol?

Datganiadau personol

Pethau y ddylech fod yn ymwybodol ohonynt

Gwiriad DBS

Er mwyn cael eich cynnwys yn y broses lle cewch eich paru â myfyriwr i fentora, bydd angen DBS arnoch chi sydd a dyddiad o fewn 3 mlynedd o ddyddiad gorffen y sesiwn yr ydych wedi gwneud cais amdani. Os nad oes gennych chi un, peidiwch â phoeni, bydd y prosiect yn talu am hyn a byddwn yn rhoi cyfarwyddiadau i chi ar sut i wneud cais!

Nifer y myfyrwyr y byddwch chi'n eu mentora

Fel mentor, fe allwch gael hyd at 3 myfyriwr.

Cyswllt rheolaidd

Dim ond os gallwch ymrwymo i anfon o leiaf un neges wythnosol at eich myfyriwr y dylech gofrestru. Mae cael cyswllt rheolaidd yn annog y myfyriwr i barhau i ymgysylltu, sy'n allweddol i'r rhaglen! Os ydych chi'n gwybod y byddwch chi ar wyliau yn ystod dyddiadau'r sesiynau, neu os ydych chi'n gwybod y byddwch chi mewn lleoliad lle mae e-bost yn ysbeidiol, byddem yn ddiolchgar pe gallech aros i gofrestru ar gyfer sesiwn yn y dyfodol.

Mae dechrau cyflym yn dda

Mae anfon neges yn ystod dyddiau cyntaf y sesiwn yn bwysig iawn. Mae llawer o fyfyrwyr yn edrych ar y wefan cyn gynted ag y bydd y sesiwn yn dechrau, ac os nad oes neges, byddant yn colli diddordeb yn gyflym!

Weithiau, ni fyddwch yn cael eich paru gyda disgybl

Peidiwch â chael siom os na allwn ddod o hyd i fyfyriwr i chi fentora. Mae'n dibynnu ar bwy sy'n ymuno â'r rhaglen, beth yw eu diddordebau a faint o fentoriaid sydd â'r diddordeb priodol. Peidiwch â gadael i hyn eich siomi gan fod angen banc mentoriaid eang arnom!

Efallai na fydd eich disgybl yn ymateb

Weithiau, ni fydd y myfyriwr rydych chi'n anelu at fentora yn ymgysylltu'n dda. Rydym yn ceisio annog eu hymgysylltiad drwy gydol y rhaglen, ond serch hynny, ar adegau nid yw’n datrys y broblem, e.e gall myfyrwyr gofrestru ac yna penderfynu nad oes ganddynt ddiddordeb wedi'r cyfan. Dylech hefyd fod yn ymwybodol y bydd y myfyrwyr a ddyrennir i chi weithiau'n newid meddwl am eu maes diddordeb, neu'n gofyn am rywbeth y tu allan i'r Gwyddorau Bywyd. Gobeithiwn y gallwch barhau i gynnig cefnogaeth cyffredinol ond os na, rhowch wybod i ni. Gobeithiwn na fydd hyn yn eich rhwystro rhag bod yn fentor, rydych yn allweddol i’n llwyddiant!

Cofrestru fel mentor

Astudiaethau achos

Cyflwyniad i Fentoriaid

Astudiaeth Achos Felicity

Newid Bywydau...

Beth sy'n digwydd nesaf?

Camau nesaf

Cofrestrwch ar-lein
Anfonwch gopi o'ch DBS i Office@themullanyfund.org neu gwnewch gais am un cyn gynted â phosibl
Cewch eich paru â disgybl wythnos i bythefnos cyn dechrau'r sesiwn e-Fentora
Mae Cronfa Mullany yn rhoi gwybod i chi os ydych wedi cael eich paru
Mynychu hyfforddiant
Mewngofnodwch i’r gwefan e-Fentora
Dechreuwch sgwrsio ar-lein â'ch disgybl

Yn y cyfamser, peidiwch ag anghofio ein dilyn ar y cyfryngau cymdeithasol gan ddefnyddio’r dolenni yn y troedyn.

Mae cofrestru ar agor nawr – y dyddiad cau ar gyfer ceisiadau yw 3pm ar 23 Medi. Bydd yr e-Fentora yn dechrau ar 28 Medi ac yn dod i ben ar 4 Rhagfyr 2026.

23ain Med 2026

Gall mentoriaid wneud cais ar unrhyw adeg i ddod yn fentor. Fodd bynnag, os ydych chi am ymuno â sesiwn a hysbysebir, mae'n bwysig bod eich ffurflen gais a'ch DBS cyfredol yn cael eu cyflwyno cyn y dyddiad cau ar gyfer ceisiadau a hysbysebir. Wrth uwchlwytho'r ddogfen DBS, gwnewch yn siŵr eich bod chi'n ei darparu mewn dogfen PDF sydd wedi'i diogelu gan gyfrinair ac yn cysylltu â ni ar wahân gyda'r cyfrinair. Byddwn yn dileu'r ffeil hon o'n cofnodion ar ôl i ni ei gwirio. Os byddwch chi'n methu'r dyddiad cau hwn, bydd gennych chi'r tudalen a'ch manylion mewngofnodi eich hun o hyd i gael mynediad at hyn, lle gallwch chi reoli pa sesiynau yn y dyfodol y gallech chi fod am gael i ymuno â.

Gwneud cais