Katy Hodge - Rheolwr Prosiect
Mae Katy yn goruchwylio’r gwaith o ddarparu a datblygu ein rhaglen e-fentora, Together Making Futures, sy’n cefnogi pobl ifanc ledled Cymru i archwilio addysg a gyrfaoedd STEM. Hi hefyd yw Arweinydd Diogelu Dynodedig yr elusen ac mae’n rheoli gwaith codi arian Cronfa Mullany, gan weithio’n agos gyda’r ymddiriedolwyr.
Mae Katy wedi’i lleoli yn Abertawe ac wedi gweithio o’r blaen ar fentrau cymunedol yn y sectorau addysg ac elusennol, gan reoli prosiectau a datblygu rhaglenni sy’n cefnogi pobl a chymunedau. Yng Nghronfa Mullany, mae’n gweithio gydag ysgolion, colegau, mentoriaid, busnesau a phartneriaid prifysgol i ddatblygu cyfleoedd ystyrlon i bobl ifanc a gwella’r profiad e-fentora yn barhaus.
Mae Katy yn angerddol dros ehangu mynediad at addysg a chyfleoedd, a helpu pobl ifanc i weld y posibiliadau sydd ar gael iddynt ym myd addysg a gwaith.
Y tu allan i’r gwaith, mae Katy yn hoff iawn o fwyd ac yn mwynhau treulio amser gyda’i chi, gan grwydro traethau hardd a llwybrau cerdded Gŵyr.
Cysylltwch!
katy@themullanyfund.org
Judith Fathallah - Swyddog Cyfathrebu a Gweinyddu
Judith yw Swyddog Cyfathrebu a Gweinyddu Cronfa Mullany. Ers 2021, mae hi wedi gweithio ar brosiectau sy’n canolbwyntio ar fynediad, addysg a thegwch, gan gynnwys helpu i lansio’r Open Book Collective.
Mae ganddi PhD mewn Cyfryngau, Newyddiaduraeth ac Astudiaethau Diwylliannol o Brifysgol Caerdydd, ac mae wedi gweithio mewn amrywiaeth o rolau addysgu ac ymchwil ym maes Addysg Uwch yng Nghymru a Lloegr.
Y tu allan i’r gwaith, mae Judith yn ddarllenydd ac yn awdur brwd, yn gerddor amatur ac yn ofalwraig ymroddedig i’w chathod. Mae hi’n byw yn y Rhws, De Cymru.
Cysylltwch!
judith@themullanyfund.org
Kathy James - Ambassadwr Cronfa Mullany
Bu Kathy yn gweithio ym maes addysg cyfrwng Cymraeg fel Pennaeth Cynorthwyol, gyda hyrwyddo STEM a sgiliau yn rhan o’i rolau arwain yn yr ysgol. Mae’n mwynhau bod yn rhan o ymdrechion Cronfa Mullany i sicrhau bod pobl ifanc yng Nghymru yn gallu cyflawni eu huchelgeisiau ym myd addysg a gwaith. Mae Kathy hefyd wedi gweithio mewn timau gwerthuso sy’n canolbwyntio ar addysg ym Mhrifysgol Metropolitan Llundain a Phrifysgol Caerdydd.
Ar ôl gweithio fel ein Swyddog Twf ac Ymgysylltu, mae Kathy bellach yn gweithredu fel llysgennad i Gronfa Mullany, gan hyrwyddo cenhadaeth a mentrau ein helusen, codi ymwybyddiaeth, helpu i gyflawni ein nodau dwyieithog, a chefnogi datblygiad strategol.
Y tu hwnt i Gronfa Mullany, blaenoriaethau Kathy yw ei rôl fel ymgynghorydd llythrennedd yn broffesiynol, a chadw i fyny â bywydau a helyntion ei theulu sy’n tyfu yn bersonol. Mae unrhyw amser sy’n weddill yn cael ei dreulio ar fynydd, ar draeth neu yn y môr (ar Benrhyn Gŵyr os oes modd).
Cysylltwch!
kathy@themullanyfund.org
