Mae Cronfa Mullany yn gweithredu ar y groesffordd rhwng rhwydwaith cryf o ysgolion a pherthnasoedd hirsefydlog â chyflogwyr a phartneriaid diwydiant. Rydym wrthi’n ceisio ehangu a chryfhau ein rhwydwaith o gyflogwyr. Mae ein partneriaethau hirsefydlog â chyflogwyr yn cynnwys:
- Scarlets Rugby – cefnogi llwybrau i yrfaoedd ym maes ffisiotherapi
- Canolfan Arloesi Technolegau Cynorthwyol (ATIC), PCYDDS – cefnogi mentora a lleoliadau sy’n canolbwyntio ar arloesi
- Nyrsio, Bydwreigiaeth a Meddygaeth Prifysgol Abertawe – cefnogi llwybrau i yrfaoedd ym maes gofal iechyd
- Ospreys yn y Gymuned – helpu i gyrraedd pobl ifanc y tu allan i lwybrau academaidd traddodiadol
Mae cynifer o ffyrdd y gall eich cwmni neu aelodau o’ch tîm ein helpu i gefnogi pobl ifanc. Er enghraifft:
- recriwtio cydweithwyr i ddod yn e-fentoriaid Mullany
- cynnig sgyrsiau am Lwybrau Gyrfa a sesiynau holi ac ateb i bobl ifanc – naill ai fel paneli gweminar byw neu wedi’u recordio ymlaen llaw ar gyfer cronfa adnoddau ein sianel YouTube
- cynnal Ymweliadau Cipolwg ar Yrfaoedd yn eich safle neu’ch swyddfa
- cyflwyno gweithdai gyda ni mewn ysgolion neu golegau, gan ganolbwyntio ar sgiliau ac astudiaethau achos yn eich maes
- dod gyda ni i siarad yn uniongyrchol â phobl ifanc am eich llwybr gyrfa mewn gwasanaethau neu ddiwrnodau dathlu STEM mewn ysgolion neu golegau
- darparu cyfleoedd i gysgodi yn y gweithle, cyfleoedd Profiad Gwaith Rhithwir neu leoliadau profiad gwaith byr
- cynnig nawdd penodol – megis ein Grantiau Symudedd newydd, sy’n helpu ysgolion, colegau neu bobl ifanc i deithio i ddigwyddiadau neu brofiadau gyrfa a fydd yn cryfhau eu CV
- ein cynnwys mewn ceisiadau am gyllid fel buddiolwyr, neu fel eich partner Gwerth Cymdeithasol neu Gymorth Cymunedol
Byddwn yn gweithio gyda chi i lunio pecyn sy’n gweddu orau i gapasiti a lleoliadau eich tîm ac sy’n adlewyrchu gwerthoedd cymdeithasol eich cwmni.