Cyngor gyrfaoedd Gwyddoniaeth Bywyd am ddim i ddod yn Meddyg

Cewch eich paru â mentor a all ddarparu'r cyngor a chymorth penodol i yrfa sydd eu hangen arnoch.

Cael mentor

Bydwraig

Nyrs

Milfeddyg

Biolegydd Morol

Ffisiotherapydd

Gwyddonydd

Beth gall eFentor Mullany ei wneud i mi?

Mae ein mentoriaid yn cynnig cyngor a chymorth i bobl ifanc sy’n ystyried gyrfa ym maes STEM (Gwyddoniaeth, Technoleg, Peirianneg neu Fathemateg).

Efallai bod gennych lwybr gyrfa mewn golwg eisoes, neu eich bod yn dal i ystyried eich opsiynau.

Mae ein mentoriaid yn gweithio mewn amrywiaeth enfawr o swyddi, o feddygaeth a chadwraeth i wyddor y gofod: pwy well i ddysgu ganddo na rhywun sydd eisoes yn gweithio yn y maes?

Pwy all gael eFentor Mullany?

Mae ein rhaglen fentora ar gyfer pobl ifanc rhwng 14 a 19 oed sy’n byw yng Nghymru.

Fel elusen symudedd cymdeithasol, ein cenhadaeth yw rhoi cyfle i bob person ifanc yng Nghymru ddilyn gyrfa ym maes STEM a’r gwyddorau bywyd, beth bynnag fo’i gefndir.

P’un ai mai chi yw’r person cyntaf yn eich teulu sy’n bwriadu mynd i’r brifysgol, eich bod yn ofalwr ifanc neu fod gennych brofiad o fod mewn gofal, neu efallai eich bod yn byw gydag anabledd—credwn na ddylai amgylchiadau neb ei atal rhag dilyn ei nodau ym maes STEM.

‘Rwyf wedi dysgu pethau gwych drwy hyn ac wedi cael gwybod sut i gael y swydd rwyf ei heisiau.’ – Disgybl Blwyddyn 10.

Help a chyngor

Gofynnwch i'ch mentor personol am gyngor ar:

Penderfynu ar eich llwybr gyrfa

Gosod nodau personol

Profiad gwaith a CVs

Gwneud cais am brifysgol

Rheoli eich astudiaethau

Dewis opsiynau pwnc

Cael mentor

Beth mae cyn-ddisgyblion yn ei ddweud

Blwyddyn 12

“Mae fy mentor yn arbennig! Does dim byd rwyf wedi gofyn wedi bod yn ormod ac mae’r wybodaeth rwyf wedi derbyn wedi bod yn amhrisiadwy.”

Blwyddyn 12

“Mae wedi bod yn ddefnyddiol ac fe fyddwn i yn ei argymell i gyd-ddisgyblion a disgyblion iau.”

Blwyddyn 12

"Mae gen i’r hyder nawr fy mod yn gallu cyflawni beth rwyf am gyflawni. Allai wir ddim canu ei chlod ddigon.”

Blwyddyn 9

"Mae fy mentor wedi fy helpu i astudio’n well ac i ddeall testunau yn well dros yr wythnosau diwethaf."

Blwyddyn 11

“Mae fy mentor wedi fy helpu i feddwl am y camau nesaf sydd angen i mi eu cymryd er mwyn cyrraedd y swydd rwyf am wneud.”

Blwyddyn 12

“Rwyf yn gweld y prosiect yma yn dda ac yn gadarnhaol, mae’n brofiad cyffrous i siarad gyda pherson sydd â chefndir gwyddonol, ac i gael cyngor ar ddewisiadau pwysig a phrofiad.”

Mae enwau wedi cael eu newid i gynnal anhysbysrwydd y prosiect.

Manteision ychwanegol

Gwella eich sgiliau cyfathrebu

Cynyddu eich hyder

Rheoli straen a phryder arholiadau

Profiad gwaith

Rydym hefyd yn darparu nifer cyfyngedig o leoliadau profiad gwaith yn ystod pob sesiwn i roi gwell cipolwg i chi ar eich llwybr gyrfa a / neu gefnogi unrhyw geisiadau prifysgol. Gallwch wneud cais amdanynt ar ddechrau'r sesiwn. Mae lleoliadau profiad gwaith yn y gorffennol wedi cynnwys cysgodi Meddygon Teulu, Fferyllwyr, Osteopathiaid a darlithwyr.

Cael mentor

Astudiaethau achos

Astudiaeth Achos Felicity

Profiad Jarrod

Tystebau sesiwn Hydref

Felly, sut mae gwneud cais?

Llenwch y ffurflen isod i gofrestru eich diddordeb erbyn 23 Medi. Caiff myfyrwyr eu paru â mentor wythnos neu bythefnos cyn dechrau pob sesiwn e-Fentora. Yna, byddwch yn mewngofnodi i’n hap e-Fentora i ddechrau sgwrsio â’ch mentor.

Rydym yn ceisio paru myfyrwyr â mentoriaid yn eu maes diddordeb penodol. Rydym hefyd yn gofyn i chi restru rhai diddordebau eraill, rhag ofn na fydd hyn yn bosibl.

Mae cofrestru ar agor nawr – y dyddiad cau ar gyfer ceisiadau yw 3pm ar 23 Medi. Bydd yr e-Fentora yn dechrau ar 28 Medi ac yn dod i ben ar 4 Rhagfyr 2026.

23ain Med 2026

Gwneud cais